ماہرین آثار قدیمہ نے شمالی عرب کے صحرا میں خیبر نخلستان کے ارد گرد ایک بہت بڑا قدیم قلعہ دریافت کیا ہے۔ یہ سعودی عرب کے دو سب سے بڑے قلعوں میں سے ایک ہے۔
اس قلعے کا انکشاف فرانس میں سینٹرنیشنل ڈی لاریچرچی سائنٹیفیک (سی این آر ایس) اور سعودی عرب کے آثار قدیمہ کمیشن رائل کمیشن فار ال اولا کے سائنسدانوں نے کیا ہے۔
فیلڈ سروے اور ریموٹ سینسنگ کے اعداد و شمار کے مطابق اس علاقے میں قلعے کبھی 14.5 کلومیٹر تک پھیلے ہوئے تھے اور 1.7 سے 2.4 میٹر کے درمیان موٹے تھے۔ قلعے کی دیواریں 5 میٹر تک اونچی ہوں گی جنہوں نے تقریبا 1،100 ہیکٹر کا علاقہ گھیرا ہوگا۔
سائنس دانوں کی ٹیم کا اندازہ ہے کہ اس بستی کی دیواریں 2250 سے 1950 قبل مسیح کے درمیان تعمیر کی گئی تھیں، جو کھدائی کے دوران جمع کیے گئے نمونوں کی ریڈیو کاربن ڈیٹنگ کی بنیاد پر ہے۔
چار ہزار سال بعد بھی نصف سے بھی کم دیواروں کی لمبائی اور 74 قلعے (دفاع کیلئے پھیلے ہوئے ڈھانچے) محفوظ ہیں.
شمال مغربی عرب میں کانسی کے دور (3300-1200 قبل مسیح) میں دیواروں والے نخلستانوں کی ایک بڑی تعداد پائی گئی ہے۔ اس دور میں قلعہ بند بستیاں بہت زیادہ تھیں جن میں یورپی ”میگا قلعے“ بھی شامل تھے۔
اس خطے میں نخلستانوں کو انسانی آبادی نے4 سے 5 ہزار سال سے آباد کیا ہے۔ زیر زمین ندیوں اور پانی کی بلند سطح جیسے میٹھے پانی کے ذرائع سے فیضیاب ہونے کا مطلب ہے کہ یہ علاقے پودوں اور جانوروں کی زندگی کے لیے متحرک اور سرسبز پناہ گاہ بن سکتے ہیں۔
انسانی ساختہ آبی ذخائر اور چینلز ان علاقوں کی سیرابی میں مدد سے طویل مدتی آبادکاری کے لیے موزوں بنا سکتے ہیں۔
عرب ریگستان دنیا کے کچھ قدیم ترین قلعوں کا گھر ہیں جن میں دنیا کا سب سے بڑا مانا جانے والا پتھر کا قلعہ اور شام میں حلب کا قلعہ بھی شامل ہے جو 4،500 سال سے آباد ہے۔
خیبر نخلستان قلعہ اس علاقے میں دیواروں والے نخلستانوں کے نیٹ ورک سے تعلق رکھتا تھا۔ یہ کیوں تعمیر کیا گیا تھا اور اس کی تعمیر کرنے والے معاشرے کی نوعیت اب بھی ایک راز ہے۔ لیکن یہ دریافت شمال مغربی عرب میں انسانی قبضے پر نئی روشنی ڈالتے ہوئےاسلام سے پہلے کے دور میں سماجی پیچیدگیوں سے متعلق تفہیم میں اضافہ کرتی ہے۔
واضح رہے کہ دنیا کا قدیم ترین قلعہ گزشتہ سال کے اواخر میں سائبیریا میں دریافت کیا گیا تھا جو 8,000 سال پرانا ہے
