سپریم کورٹ نے کہا ہے کہ آرٹیکل 19 اے کے تحت معلومات تک رسائی ہر شہری کا حق ہے۔
تفصیلات کے مطابق سپریم کورٹ کی جانب سے سہ ماہی رپورٹ جاری کی گئی ہے۔ سپریم کورٹ آرٹیکل 19 اے کے تحت پہلی بار سہ ماہی رپورٹ جاری کررہا ہے جبکہ عدالت عظمیٰ کا کہنا ہے کہ آرٹیکل 19 اے کے تحت معلومات تک رسائی ہر شہری کا حق ہے۔
سپریم کورٹ کے ترجمان نے بتایا کہ سہ ماہی رپورٹ ستمبر سے دسمبر 2023 تک کی ہے۔ چیف جسٹس قاضی فائزعیسیٰ کی 16 ستمبر سے دسمبر تک کی کارکردگی رپورٹ جاری کی گئی ہے۔
عدالتی سہ ماہی رپورٹ میں بتایا گیا ہے کہ سپریم کورٹ نے 3 ماہ کے دوران 859 کیسز نمٹائے ہیں۔
سہ ماہی رپورٹ کے مطابق 17 ستمبر 2023 کو زیرالتوا کیسزکی تعداد 56 ہزار 503 تھی۔ 16 دسمبر 2023 کو زیرالتوا کیسز کی تعداد 55 ہزار 644 رہ گئی۔
