قومی اسمبلی کے حلقہ این اے 71 سیالکوٹ سے آزاد امیدوار ریحانہ ڈار نے انتخابی نتائج کے خلاف عدالت سے رجوع کرنے کا اعلان کر دیا۔
عثمان ڈار کی والدہ ریحانہ ڈار نے کہا کہ خواجہ آصف اور آر او نے عوام کے حق پر ڈاکہ مارا ہے اور مل کر نتائج میں ردوبدل کیا، عوام سڑکوں پر باہر نکل آئی ہے۔
ریحانہ ڈار نے کہا کہ خواجہ آصف تمہیں شرم آنی چاہیے، 65 ہزار ووٹوں کی لیڈ تھی میرے پاس ثبوت ہیں، عدالتوں سے انصاف کی امید ہے ہائی کورٹ اور سپریم کورٹ جاؤں گی۔
انہوں نے کہا کہ میرے پاس 353 پولنگ اسٹیشن کے 45 فارم موجود ہیں، خواجہ آصف ہر پولنگ اسٹیشن سے ہارا، ہمیں آر او نے نتائج مہیا نہیں کیے ہمیں آر او آفس کے اندر نہیں جانے دیا گیا۔
عثمان ڈار کی والدہ نے کہا کہ ہمارے پولنگ ایجنٹوں کو ہراساں کیا گیا۔
