روس کے صدر ولادیمیر پیوٹن کا کہنا ہے کہ فوجیوں کو فن لینڈ کی سرحد پر تعینات کیا جائے گا۔
سرکاری میڈیا کے مطابق پیوٹن کا کہنا ہے کہ نیٹو میں فن لینڈ اور سویڈن کی شمولیت ایک "بے معنی قدم” ہے اور روس فن لینڈ کی سرحد پر فوج تعینات کرے گا۔
انہوں نے کہا کہ یہ فن لینڈ اور سویڈن کے لیے اپنے قومی مفادات کو یقینی بنانے کے نقطہ نظر سے بالکل بے معنی قدم ہے، ہمارے پاس وہاں [فن لینڈ کی سرحد پر] فوجی نہیں تھے اب وہ وہاں ہوں گے ۔
ان کا کہنا تھا کہ روس تکنیکی طور پر جوہری جنگ کے لیے تیار ہے اور اگر امریکا نے یوکرین میں فوج بھیجی تو اسے تنازع میں نمایاں اضافہ تصور کیا جائے گا۔
