آئی ایم ایف کا پاکستان سے کرپٹو کرنسی کو ٹیکس نیٹ میں لانے کا مطالبہ

آئی ایم ایف نے کرپٹو کرنسی اوردیگرآن لائن ٹریڈنگ کو ریگولرائز کرکے ٹیکس نیٹ میں لانے کا مطالبہ کردیا۔

تفصیلات کے مطابق پاکستان اورآئی ایم ایف کے درمیان اقتصادی مذاکرات فائنل راؤنڈ میں داخل ہوگئے، ذرائع نے بتایا کہ پاکستان نے نئے قرض پروگرام کے ابتدائی خدوخال پر بھی بات کی جبکہ کرپٹوکرنسی اوردیگر آن لائن ٹریڈنگ ریگولرائزکرنے پر بھی بات ہوئی۔

ذرائع کا کہنا تھا کہ آئی ایم ایف نے کرپٹو کرنسی اوردیگرآن لائن ٹریڈنگ کو ریگولرائزکرکے ٹیکس نیٹ میں لانے کا مطالبہ کیا ہے۔

مذاکرات نجکاری کی فہرست میں موجودہ اداروں کی نجکاری کیلئے روڈمیپ پر تبادلہ خیال کیا گیا اور پی آئی اے کی نجکاری اولین ترجیحات میں شامل کی گئی ہے۔

ذرائع کے مطابق بجلی کے شعبے میں گردشی قرضہ منجمند کرنے پر اتفاق ہوگیا ہے ، پاکستان توانائی کے شعبے میں گردشی قرضے بڑھنے نہیں دے گا۔