عمران خان 25 رمضان سے پہلےجیل سے باہر آجائیں گے

پی ٹی آئی کے وکیل بیرسٹرسلمان صفدر نے کہا ہے کہ بانی پی ٹی آئی 25 رمضان سے پہلے جیل سے باہر آجائیں گے۔

سائفر اور توشہ خانہ کیس میں سزاؤں کےخلاف اپیلوں کی سماعت کے بعد میڈیا سے گفتگو کرتے ہوئے انہوں نے کہا کہ ایف آئی نےجس شکایت پر کارروائی کی  اس میں کرمنلٹی نہیں جس شکایت پر کارروائی ہوئی اس میں بانی پی ٹی آئی اور شاہ محمود کا نام تک نہیں۔

سلمان صفدر نے کہا کہ جس دن کی شکایت ہے اس سے7 دن پہلے ایف آئی اے انکوائری شروع کر چکی تھی وہ انکوئری کس کے کہنے پر شروع کی گئی؟ اگر ڈی جی ایف آئی اے کےکہنے پر انکوائری شروع کی تو گواہ پیش نہیں ہوئے۔

ان کا کہنا تھا کہ جس طرح کیس آگے بڑھتا جا رہا ہے اس میں اتنی خامیاں نظر آرہی ہیں آج  سماعت میں  ججز نے کہا یہ کیس تو ایک مذاق ہے جس طرح ٹرائل ہوا جس جج صاحب نے کیس کا ٹرائل چلایا ان کو قانون کا ہی نہیں پتا۔