روس نے خلا میں ہتھیار رکھنے کے خلاف قرارداد اقوام متحدہ کی سلامتی کونسل میں ویٹو کردی، قرارداد کو 13ممالک کی حمایت حاصل تھی جبکہ چین نے ووٹ میں حصہ نہیں لیا۔
غیر ملکی میڈیا کے مطابق روس نے اس حوالے سے موقف اپناتے ہوئے کہا کہ اقوام متحدہ کی سلامتی کونسل خلا میں ہتھیاروں پر بحث کا مناسب پلیٹ فارم نہیں۔
روس اور چین کی جانب سے خلامیں کسی بھی نوعیت کے ہتھیار رکھنے پردائمی پابندی کا مطالبہ کیا گیا، امریکا اور جاپان کی جانب سے سلامتی کونسل میں قرارداد پیش کی گئی تھی۔
اقوام متحدہ میں روس کے سفیرکا کہنا تھا کہ یہ امریکا اور جاپان کی گھناؤنی سازش ہے جس سے کونسل کو دھوکہ دیا جا رہا ہے۔ بڑے پیمانے پر تباہی پھیلانیوالے ہتھیار خلا میں لے جانے پر 1967 سے پابندی ہے۔
روسی سفیر نے سوال اٹھایا کہ امریکا اور جاپان کی اس قرارداد کے پیچھے کیا مقاصد ہیں؟ انہیں 57 سال بعد 2024 میں پابندی کی توثیق کا خیال کیوں آیا؟
