سندھ ہائیکورٹ میں اسرائیل سے جڑی مصنوعات کی فروخت پر پابندی عائد کردی گئی ہے، جس کا اعلامیہ بھی جاری کردیا گیا۔
تفصیلات کے مطابق سندھ ہائیکورٹ بار ایسوسی ایشن کی جانب سے اعلامیہ جاری کیا گیا ہے جس میں کہا گیا ہے کہ سندھ ہائیکورٹ کی کنٹین میں اسرائیلی مصنوعات کی فروخت پر فوری پابندی ہوگی۔
کراچی بار کا مزید کہنا تھا کہ کسی نے اس پابندی کی خلاف ورزی کی تو اس کے خلاف سخت کارروائی کی جائے گی۔
واضح رہے کہ دہشت گرد اسرائیل کی جانب سے فلسطینیوں کی نسل کشی جاری ہے، اسرائیلی حملوں میں شہید ہونے والے فلسطینیوں کی تعداد 34 ہزار 388 ہوگئی ہے جبکہ زخمی ہونے والے فلسطینیوں کی تعداد 77 ہزار 437 ہوچکی ہے۔
غزہ کی وزارت صحت کا حالیہ بیان میں کہنا ہے کہ غزہ کے تمام باشندے مضر صحت پانی پینے پر مجبور ہیں، ناقص صورتحال کے باعث کیمپوں میں وبائی امراض کے پھیلاؤ کا خطرہ ہے۔
