مصطفی کمال کو وزارت صحت جبکہ طارق فضل چوہدری کو پارلیمانی امور کا قلمدان سونپ دیا گیا
اسلام آباد وزیراعظم شہباز شریف نے وفاقی کابینہ میں شامل 26 نئے وزراء، وزرائے مملکت اور مشیروں کو قلمدان تفویض کردیئے۔
چار نئے معاونین خصوصی کو قلمدان تفویض کرنے کے علاوہ وزیر اعظم نے کابینہ کے کچھ ارکان کی وزارتیں بھی دوبارہ تفویض کیں۔
کفایت شعاری مہم اور حکومتی اخراجات میں کٹوتی کے بلند بانگ دعوؤں کو بالائے طاق رکھتے ہوئے وزیراعظم نے گزشتہ ہفتے اپنی ٹیم میں 12 وفاقی وزراء، 9 وزرائے مملکت، 3 مشیر اور 4 معاونین خصوصی سمیت نئے ارکان کو شامل کیا جبکہ دو وزرائے مملکت کو وفاقی وزیر کے عہدے پر ترقی دی گئی۔
کابینہ ڈویژن کی جانب سے جاری نوٹیفکیشن کے مطابق وفاقی وزیر طارق فضل چوہدری کو پارلیمانی امور کا قلمدان دیا گیا ہے جبکہ علی پرویز ملک اور شازہ فاطمہ خواجہ کو بالترتیب پیٹرولیم اور انفارمیشن ٹیکنالوجی کا قلمدان دیا گیا ہے۔
دیگر وفاقی وزراء کو تفویض کردہ قلمدان درج ذیل ہیں:
- حنیف عباسی – ریلوے
- معین وٹو – آبی وسائل
- مصطفی کمال – نیشنل ہیلتھ سروسز، ریگولیشنز اینڈ کوآرڈینیشن
- سردار یوسف – مذہبی امور اور بین المذاہب ہم آہنگی
- اورنگ زیب کچی – قومی ورثہ اور ثقافت
- رانا مبشر – پبلک افیئرز یونٹ
- رضا حیات ہراج – دفاعی پیداوار
- جنید انور – میری ٹائم افیئرز
- خالد مگسی – سائنس و ٹیکنالوجی
اسی طرح وزیر مملکت بیرسٹر عقیل ملک، بلال اظہر کیانی اور طلال چوہدری کو بالترتیب قانون و انصاف، ریلوے اور داخلہ اور انسداد منشیات کا قلمدان دیا گیا ہے۔
نئے ریاستی وزراء:
- ملک رشید احمد خان – نیشنل فوڈ سیکیورٹی اینڈ ریسرچ
- عبدالرحمٰن خان کانجو کو پبلک افیئرز یونٹ کا اضافی قلمدان سونپا گیا ہے۔
- عقیل ملک – قانون و انصاف
- بلال اظہر کیانی – ریلوے
- کیسو مل خیل داس – مذہبی امور اور بین المذاہب ہم آہنگی
- محمد عون ثقلین – اوورسیز پاکستانیز اینڈ ہیومن ریسورس ڈیولپمنٹ
- مختار احمد ملک – نیشنل ہیلتھ سروسز، ریگولیشنز اینڈ کوآرڈینیشن
- طلال چوہدری – داخلہ اور انسداد منشیات
- وجیہہ قمر – وفاقی تعلیم اور پیشہ ورانہ تربیت
دلچسپ بات یہ ہے کہ سابق وزیر اعظم عمران خان کے قریبی ساتھی اور سابق وزیراعلیٰ خیبر پختونخوا پرویز خٹک کو وزیر اعظم کا مشیر برائے داخلہ مقرر کیا گیا ہے۔
اس کے علاوہ دو اور مشیروں سید توقیر حسین شاہ اور محمد علی کو بھی کابینہ میں شامل کیا گیا ہے جس کے بعد وزیر اعظم کے مشیروں کی تعداد سات ہوگئی ہے۔
وزیراعظم کے معاونین خصوصی میں ہارون اختر بھی شامل ہیں جنہیں صنعت و پیداوار کا قلمدان دیا گیا ہے۔ حذیفہ رحمان، قومی ورثہ اور ثقافت۔ مبارک زیب، قبائلی امور۔ اور طلحہ برکی، سیاسی امور۔
واضح رہے کہ صدر آصف علی زرداری نے وفاقی کابینہ کے نئے ارکان سے حلف لیا جس میں وزیراعظم شہباز شریف، چیئرمین سینیٹ یوسف رضا گیلانی اور سینئر حکام نے شرکت کی۔
