پاکستان تحریک انصاف کے بانی کو رہا کرنے کی قرارداد قومی اسمبلی میں جمع کرا دی گئی یہ قرارداد پی ٹی آئی رہنما اسد قیصر نے جمع کرائی ہے۔
پاکستان تحریک انصاف کے بانی کو رہا کرنے کی قرارداد قومی اسمبلی میں جمع کرا دی گئی ہے۔ اسد قیصر کی جانب سے قومی اسمبلی سیکریٹریٹ میں جمع کرائی جانے والی قرارداد میں کہا گیا ہے کہ بانی پی ٹی آئی کے خلاف غیر قانونی اور جھوٹے مقدمات بنائے گئے ہیں اوار انہیں سیاسی انتقام کا نشانہ بنایا جا رہا ہے۔
قرارداد میں مزید کہا گیا ہے کہ بانی پی ٹی آئی پر قائم مقدمات کی کوئی قانونی حیثیت نہیں۔ انہیں عوام سے دور کرنے کے لیے مقدمات بنائے گئے ہیں۔
قرارداد میں مطالبہ کیا گیا ہے کہ بانی پی ٹی آئی کیخلاف قانون کا غلط استعمال بند کیا جائے اور بانی سمیت پارٹی کے گرفتار دیگر رہنماؤں اور صحافیوں کو بھی فوری رہا کیا جائے۔
