ایف آئی اے نے پشاور میں 12 سرکاری دفاتر کی بجلی منقطع کر دی۔
تفصیلات کے مطابق ایف آئی اے نے ایک ہفتے کے دوران پشاور کے مختلف علاقوں میں کارروائیاں کیں، اور بجلی کے بقایا جات نہ دینے پر بارہ سرکاری دفاتر کی بجلی منقطع کی۔
ترجمان ایف آئی اے کے مطابق اینٹی کرپشن، افغان کمشنریٹ اور ڈی جی ایکسائز کے دفتر کی بجلی منقطع کی گئی، چیف انجینئرنگ پبلک ہیلتھ ڈیپارٹمنٹ اور ورکرز وومن ہاسٹل کی بجلی بھی بند کی گئی۔
فرانزک سائنس لیبارٹری اور پبلک فوڈ لیبارٹری کی بجلی بھی منقطع کی گئی، ترجمان ایف آئی اے کا کہنا ہے کہ ڈی جی ایکسائز دفتر پر 13 لاکھ سے زیادہ بقایا جات ہیں، جب کہ اینٹی کرپشن اور فرانزک سائنس لیبارٹری پر 7 لاکھ سے زائد کے بقایا جات ہیں۔
ایف آئی اے کے مطابق ورکرز وومن ہاسٹل اور افغان کمشنریٹ پر 6 لاکھ سے زائد واجبات ہیں، جن دفاتر نے بقایا جات ادا کر دیے ان کی بجلی بحال کی جا رہی ہے۔
