ایرانی صدر ابراہیم رئیسی پاکستان کا تین روزہ مکمل کرکے آج صبح کراچی سے روانہ ہوگئے۔
غیر ملکی ذرائع ابلاغ کے مطابق ایرانی صدر ابراہیم رئیسی پاکستان سے روانگی کے بعد سری لنکا کے دورے پر پہنچ گئے۔
ایرانی میڈیا کا اس حوالے سے کہنا ہے کہ ایرانی صدر ابراہیم رئیسی سری لنکا میں اماویہ ڈیم اور بجلی گھر کی افتتاحی تقریب میں شرکت کریں گے۔
ایرانی صدر کا دورہ سری لنکا مختصر دورانیے کا ہے جس کا مقصد دونوں ممالک کے تعلقات میں مزید بہتری لانا ہے۔
غیر ملکی میڈیا رپورٹ کے مطابق کسی ایرانی صدر کا 2008ء کے بعد یہ پہلا دورہ سری لنکا ہے۔
واضح رہے کہ پیر 22 اپریل کو ایرانی صدر ابراہیم رئیسی پاکستان کے سرکاری دورے پر پہنچے تھے اور وہ آج دورہ مکمل کر کے کراچی سے واپسی کے لئے روانہ ہوگئے۔
