پل گھراٹ میں ذہنی مر یضہ کو نشہ آور چیز کھلا کر اس کے ساتھ اجتماعی زیادتی کرنے کا اندوہناک واقعہ پیش آیا ہے۔
تفصیلات کے مطابق میاں چنوں کے قریب پل گھراٹ گاؤں میں ذہنی مر یضہ کو ملزمان نے اجتماعی زیادتی کا نشانہ بنا ڈالا۔ متاثرہ خاتون کی عمر 22 سے 23 سال کے درمیان بتائی جاتی ہے۔
ایم او ٹی ایچ کیو اسپتال کی جانب سے بتایا گیا کہ خاتون کو نشہ آور چیز دے کر زیادتی کا نشانہ بنایا گیا جبکہ ذہنی مریض خاتون پر تشدد بھی کیا گیا۔
پولیس کی جانب سے واقعے کا مقدمہ درج کرلیا گیا ہے۔ پولیس نے بتایا کہ ایف آئی آر میں نامزد 4 میں سے 2 ملزمان کو گرفتار کرلیا گیا ہے۔
